Izan litekeen guztia disko berria argitaratzear da Desgaraian taldea, eta lan berria labetik atera bezain pronto hura aurkezteko lehen kontzertuak emango dituela iragarri ditu Jon Gurrutxaga azpeitiarraren taldeak.
Hain zuzen ere, maiatzean hiru zuzeneko eskainiko ditu Desgaraianek, eta horietako eskualdeko bi gaztetxetan emango ditu: maiatzaren 15ean Zarauzko Hiru Putzun (22:00), eta 22an Azpeitiko Gaztetxean (22:30). Urola Kostan emango dituzten bi zuzenekoen artean egingo dute maiatzerako iragarritako beste kontzertua, Gasteizko Izaskun Arrue kulturgunean, hilaren 21ean (20:00). Gasteizko emanaldia ikusteko sarrerak aurrez jarri dituzte salgai; Zarauzko eta Azpeitiko kontzertuetan, aldiz, egunean bertan jarriko dituzte txartelak eskuragarri.