AEK-k Eskola bat doan izeneko egitasmoa jarri du martxan, 24. Korrikak utzi dituen "sentsazio indartsuei helduta", erakundeak "hainbat konpromiso" hartu dituelako. "Gugandik hasita, AEK-k euskararen pizkunderako zer eskaini ahal duen erakutsi nahi diogu Euskal Herri osoari".
Datorren asteazkenean, hilaren 22an, izango dute herritarrek ordubetez eskola doan jasotzeko aukera. Orion, 10:00etatik 11:00etara izango da eskola, AEKren egoitzan (Arrantzale kalea, 33). Zarautzen, 18:00etatik 19:00etara (Zuberoa kalea, 16-18). Zumaian, berriz, 15:00etatik 16:00etara (Bidasoa kalea, 1).
Informazio gehiago eskuratzeko ondorengo telefono zenbakietara deitu behar da: Orion 607 42 00 25 zenbakira; Zarautzen 607 60 21 94 zenbakira; eta Zumaian, 607 62 54 98 zenbakira.
Maiatzaren 21ean, berriz, Mintzodromoak egingo dituzte Euskal Herri osoan zehar, baina horri buruzko xehetasunak aurrerago emango dituzte.