Euskadiko Arraun Federazioak antolatuta, Euskadiko Batel Txapelketa jokatuko dute asteburuan, Sestaon (Bizkaia). Bihar, larunbatarekin, sailkapen estropadak izango dira 15:00etan hasita, eta emaitza hoberenak lortzen dituzten bost batelek, igandeko finalerako txartela eskuratuko dute. Goizeko 09:00etan hasiko da igandeko jardunaldia.
Hori horrela, eskualdeko arraun elkarte guztiek hartuko dute parte hitzorduan. Getariak guztira lau ontzi aurkeztuko ditu; Oriok, berriz, sei ontzi; Zarautzek lau ontzi eramango ditu; eta azkenik, Zumaiak hiru batel aurkeztuko ditu. Horiek infantil, jubenil, kadete eta absolutu mailetan banatuta egongo dira.