Atzo, larunbatez, egin zuten Txindokiko Kilometro Bertikala proba. Euskal Herriko Kopako lehen proba izan zen Larraitz eta Txindoki artean egin zutena, eta eskualdeko bi lagun txapeldun izan ziren beren mailetan.
Batetik, Soronea Ammma taldeko Peio Ziarsolo errezildarra aurrena izan zen jubenilen mailan. Hark 42 minutu eta hamar segundo behar izan zituen 3,6 kilometroko eta 980 metroko igoera positibodun proba gauzatzeko.
Bestetik, Jexux Zelaia Lagun Onak mendi bazkuna taldeko kidea txapeldun izan da master C mailan (57 urtetik gorakoak). Hark 46 minutu eta 16 segundo behar izan zituen Txindokiko puntara iristeko.