Emakumeen binakako pilota txapelketak jokatuko dituzte asteburuan Aizarnazabalen eta Getarian. Sarrerak bost euroan salduko dituzte leihatilan partidak hasi baina lehen.
Aizarnazabalgo jardunaldia larunbatean izango da, 17:00etan hasita, Atari Soron. Gomez-Sagardui eta Insausti-Vertiz bikoteak lehiatuko dira lehenengo; bigarren txandan, aldiz, R. Infante-Orbegozo eta Aranburu-R.I. Mujika bikoteen txanda izango da.
Getariakoa, aldiz, igandean jokatuko dute, 11:30ean, Sahatsagan. Iturriaga-Mendiburu eta Arrieta-Galeano bikoteen arteko norgehiagokak emango dio hasiera jardunaldiari; hurrengo txandan, berriz, Aranburu-R.I. Mujika eta Oskoz-Agirre bikoteak lehiatuko dira.