Munoaundiko Burdin Aroko herri harresitua ezagutzeko aukera izango da larunbatean, uztailaren 27an, Aranzadi zientzia elkarteak bisita gidatua eskainiko baitu bertara.
Bisita gidatuan parte hartu nahi duen orok Azkoitiko Abaraxka aterpetxera (Altamira auzoa, 5) agertu beharko du, 11:00etan. Ez dago aurrez izena eman beharrik, nahikoa izango da ezarritako egun eta orduan hitzordura agertzea. Bisita euskaraz zein gaztelaniaz izango da.
Azkoitiko Udalak jakitera eman duenez, aterpetxetik Munoaundira ordu erdi inguruko ibilbide erraza dago; hala ere, norbaitek ibiltzeko arazorik izango balu, ibilgailu bat jarriko lioke.