Oroimenaren Nazioarteko Egunean, elkarretaratze bana egin dute gaur eguerdian Zarautzen eta Azkoitian. "Biktima guztiak gogoan izateko" batu dira bi udaletan ordezkaritza duten alderdi guztietako ordezkariak, eta elkarretaratze isila egin dute horiek. Azkoitian, elkarretaratzea ez ezik, Ana Azkoitia alkateak loreak utzi ditu Intsausti jauregiaren aurrean dagoen Oroimenean eskulturan.
Gaurkoaz gain, igandean, hilak 12, Oroimenaren Nazioarteko Eguneko ekitaldia egingo dute 12:00etan Arrosategi parkean, eta bertan, urtero bezala, isilunea eta lore eskaintza egingo dituzte.
Azkoitiko Udal ordezkariak 'Oroimenean' eskulturaren parean. (Iraia Oteiza)