Bertsoa eta pilota lotzen dituen Udaberri Torneoaren finala irabazi zuen atzo Kukuprakak taldeak Beasaingo Antzizar pilotalekuan. Talde horretan aritu dira Naroa Agirre arroarra eta Oihana Orbegozo azpeitiarra pilotariak, eta horiekin Iturriaga pilotariak eta Aitor Sarriegi bertsolariak osatu dute taldea.
Txapelketaren finala Bitxiloreak taldearen (Etxebeste, Etxekolenea eta Ruiz de Infante pilotariak eta Nerea Elustondo bertsolaria) kontra jokatu zuten atzo, eta gogor lan egin behar izan zuten. Agirrek Ruiz Infanteren kontra 10-18 galdu zuen, baina Iturriagak eta Orbegozok Etxekolonearen eta Etxebesteren kontrako partida 22-3 irabazi zuten.
