Gasteizen 32 urteko emakumezko baten hilotza aurkitu zuten atzo apartamentu hotel bateko logela batean, bortxa zantzuekin. Ertzaintzak adierazi duenez, indarkeria matxista gisa ikertzen ari dira kasua, eta haren bikotekide ohia atxilotu dute dagoeneko Zaragozan. Bi asteren barruan Euskal Herrian gertatzen den bigarren hilketa matxista da. Hori salatzeko protestak deitu dituzte eskualdeko herrietan.
Gaur arratsaldean Azkoitian, Azpeitian, Zarautzen eta Zestoan gaur egingo dituzte elkarretaratzeak. Bihar, asteartea, Getarian, Orion, Zarautzen eta Zumaian egingo dute protesta, Mugimendu Feministak deituta.
Hona hemen deialdiak:
Maiatzak 29, astelehena
- Azkoitia: 19:00etan, plazan, Itaiak deituta.
- Azpeitia: 19:30ean, plazan, Itaiak deituta.
- Zestoa: 19:00etan, plazan, Itaiak deituta.
- Zarautz: 19:00etan , Lege Zaharren enparantzan, Itaiak deituta.
Maiatzak 30, asteartea
- Zumaia: 20:00etan, Saregileen plazan.
- Getaria: 18:45ean, plazan. Mariñak taldeak deituta.
- Zarautz: 19:00etan, Lege Zaharren enparantzan.
- Orio: 19:00etan, plazan.