Aktore berri onenaren Goya Saria jaso du Telmo Iruretak Sevillan (Espainia) egin duten galan. La consagración de la primavera filman egindako lanarengatik eman diote saria aktore zumaiarrari. Saria irabaztea nahiko ez, eta, gainera, bere izeba Elena Iruretak eman dio.
Fernando Francoren filman lankide izan dituenak eskertu zituen agertokitik; "esperientzia zoragarria" izan dela azpimarratu zuen. Filman egiten duen David pertsonaiari ere eskerrak eman dizkio. "Desgaitasuna duten pertsonen sexualitateari keinu egiten dio. Guk ere existitzen dugu, guk ere txortan egiten dugu", esan zuen Iruretak.
Poz handiak eman dizkio La consagración de la primavera filmak Iruretari. Bere lehen film luzea du, Donostia Zinemaldian aurkeztu zen Sail Ofizialean, eta orain Goya Saria ere eman dio Telmo Iruretari.
