Eusko Legebiltzarrerako hauteskundeak bertan behera gelditu dira, eta ez dute data berririk zehaztu. Apirilaren 5ean ziren egitekoak hausteskundeak, baina gaur goizean Legebiltzarreko alderdi guztiekin bilera egin du Iñigo Urkullu lehendakariak, eta ondoren jakinarazi dute erabakia.
Koronabirusaren zabalkundea gelditzeko hainbat neurri hartu dute agintariek azken astean, eta ezarritako alarma egoerak eta osasun larrialdiak asko mugatu du herritarren egunerokoa. Horregatik atzeratuko dituzte bozak, eta egoera normaltasunera itzulitakoan jarriko dute data berria.