Ekainak 26 eta 30 artean Usurbil eta Arantza arteko ibilbidea egiteko aukera izango dute udalerri euskaldunetako 14 eta 18 urte arteko gazteek, tartean, getariarrek, Uemak antolatutako Salto! ekimenari esker. Elkar ezagutu eta ondo pasatzea dira helburuetako bi. Horretarako jolasak eta kontzertuak izango dira, besteak beste. Topaketa gaur aurkeztuko dute, Getariako Gaztelekuan, 19:30ean.