Herri irratiaren izena aukeratzeko lehiaketa egingo dute

HEDABIDEAK // Zumaiako herri irratiaren izena aukeratzeko lehiaketa abian jarri dute. Izena proposatzeko bi bide daude zabalik, hilaren 14a bitartean: zumaiairratia@gmail.com helbidera mezu bidez bidalita edo herriko hainbat puntutan ipini dituzten irrati itxurako kaxetan paperean idatzita. Proposamenak jaso ondoren, Baleike.eus webgunean bozketa irekia egingo da. Asmoa da sanpedroetarako irratiak izena aukeratuta izatea, eta gero prozesu berdina egitea, logoa aukeratzeko.