Martxan da 'Gure inguruari begirada bat' argazki lehiaketa

INGURUMENA // Azpeitiko Udalak 15. urtez antolatu du Gure inguruari begirada bat argazki lehiaketa. Azpeitia jasangarritasunera bidean da lehiaketaren gaia, eta mezu positiboa eta negatiboa dituzten argazkiak aurkeztu ahal izango dira. Jada zabaldu dute lanak bidaltzeko epea, eta azaroaren 4a izango da azken eguna. Udaletxeko harreran utzi edo postaz bidali beharko dira lanak. Epaimahaiak azaroaren 9rako hartuko du erabakia, eta sari-banaketa ekitaldia hilaren 25ean izango da.