'Gure kirolak' saioa, gaur, Floreagako kultur jardunaldietan

KIROLA // Floreaga Ikastetxeko XXVII. Euskal Kultur Jardunaldien bigarren saioa izango da gaur, 20:00etatik aurrera. Guraso Elkarteak antolatuta, Gure kirolak izenburupean honako hizlariek parte hartuko dute salestar ikastetxeko Mahai inguruan: Jose Luis Lete Elosukorta eta Jon Unanue azkoitiarrak eta Joxe Mari Olasagastik. Moderatzaile lanetan, berriz, Andoni Bastida arituko da. Azken saioa maiatzaren 19an izango da.