Musika Hamabostaldiko ikasleak, bailaran

Loiolan eta Azkoitian izan ziren atzo Musika Hamabostaldiko nazioarteko ikasleak. Organo Erromantikoaren ikastaroa egiten ari dira hainbat herrialdetako ikasleak. Ignacio Arakistain eta Mikel Arenas azpeitiarrak ere ikastaroan dira. «Gipuzkoan altxor bat dugu organo erromantikoei dagokionez, eta horiek ezagutzea zortea da bertakoentzat zein bisitarientzat», azaldu du Arakistainek. Goizetan organo erromantikoak bisitatzen dituzte, eta eskolak jasotzen dituzte arratsaldeetan. Bihar bukatuko dute zikloa.