BH Zarauzko Triatloia proba Desafio Doñanarekin senidetu da. Doñanako Parke Nazionalean egiten da, eta hiru kirolez osaturiko erresistentzia-proba da: txirrindularitza, igeriketa eta korrika-saioa. Desafioa datorren irailaren 19an jokatuko dute. Senidetze horren harira, Zarauzko Triatloiko afaria amaitzean parte-hartzaileen eta adiskideen artean lehiaketa horretarako bi dortsal zozkatuko dituzte. Zalantzarik gabe, gau horretako opari nagusietakoa izango da.