Andoain eta Donostia irabazle Gipuzkoako Txapelketan

KIROLA // Gipuzkoako Erlojupeko Txapelketak jokatu ziren larunbat goizean Zumaian, taldeka, jubenil eta kadete mailakoak. Jubenil mailan, Andoaingo Txirrindulari Eskola izan zen azkarrena ibilbideko 30 kilometroak osatzen (39:41), Lagun Onak (40:51) eta Ampo-Goierriko Txirrindularitza (41:09) taldeen aurretik. Kadeteek 19 kilometroko lana egin behar zuten, eta Donosti Berri A izan zen azkarrena (25:12), Bazpi (25:50) eta Limousin-Oriako T.E.-ren (26:26) aurretik.