Forum Sport dendaren aurrean, hainbat lagunek elkarretaratzea egin zuten herenegun.
Gure merkataritza eredua, txikia eta herrikoia lelopean, saltoki berriaren irekieraren kontra azaldu ziren, Loiolan. Azpeitian Bizi eta Lan taldeak antolatuta zuten protesta, eta Bertan merkatari elkarteak bat egin zuen harekin. Elkarretaratzearekin, saltoki horiek herri txikiei egiten dieten «kalteaz» ohartarazi dute antolatzaileek: «Helburu ekonomiko hutsen arabera mugitzen diren saltoki haundien beharrik ez dugu herrian, horiek ez datozelako herritarrok ditugun beharrei erantzutera».