Munduko txakur lera lehian bigarrena izan da Andoni Azpillaga

KIROLA // Andoni Azpillaga azpeitiarrak bigarren postua eskuratu du Munduko Txakur Lera Txapelketan, Alemanian. Pasa den asteburuan jokatu dute proba, eta hiru jardunaldi izan ditu guztira. Azpillagak maila ona erakutsi du Alemanian, eta modu erregularrean bukatu ditu hiru lehiaketak. Izan ere, hirugarren postua eskuratu zuen lehen proban; eta bigarren postua, berriz, bigarren eta hirugarren lasterketetan.