Eduki hau partekatzeko esteka arbelera kopiatu da.
Abisu horia ezarrita dute datozen orduetarako haizeagatik eta olatu handiengatik, eta Zarautzen, esaterako, eragin ditu kalte txiki batzuk. Lizardi Institutuaren aurrean, Araba kalean, zuhaitz bat kaltetu du haizeak, eta bota egin beharko dute. Beste zuhaitz baten sustraiak ere kaltetuta daude, eta horregatik Araba kalearen zati hori itxi egin dute. Inguruko etxebizitza eraikin bateko teila batzuk ere bota ditu haizeak. Zorionez, ez da inor zauritu ez kasu batean, ez bestean. Hainbat edukiontzi ere bota ditu haizeak.
Udaleko brigadakoak lanean ari dira, eta kaltetu den zuhaitza bota egingo dutela adierazi dute. Momentuz kalte gehiago ez dagoela esan diote HITZAri.