Sasoian.info
BH Zarauzko Triatloia ekaineko bigarren larunbatean izango da, hogeita bederatzigarren aldiz. Urtero bezala, distantzia honetako espezialista onenak ariko dira nor baino nor, baina absentzia nabarmenekin. Izan ere, azken urteetako txapeldun Catriona Morrisonek eta Maider Gaztañagak triatloia uztea erabaki dute. Aurten lehiakide berriek izango dute txapela janzteko aukera.
Zirkuituari dagokionez, korrikaldiko ohiko ibilbidea berreskuratuko dute aurten, berriro Zarauzko biotopoa zeharkatuz. Iazko neguko itsasaldiek sortutako txikizioengatik, antolakuntzak hirugarren ataleko ibilbidea erabat aldatu behar izan zuen. Beraz, aurtengo probak bere zeharkaldi ezagunenetakoa izango du. Gainera, zurezko pasealeku berriak zoru trinkoagoa du, korrika egiteko askoz ere erosoagoa.