Urolako Itsasadarraren Plan Estrategikoko ekintza nagusiak

- Planaren ekintza nagusiak: - Santiago hondartzarako irisgarritasuna hobetzea. Arrapala bat jarriko da egun eskailerak dauden lekuan. Haren azpian kokatuko dira taberna eta komunak. - Dunen arteko bidexkak zaindu. Batzuk oinezkoentzat erabilgarri egongo dira; beste batzuk, ez. Ez dira baimenduko piknikak, barbakoak edo antzerakoak. Langile bat kontratatu nahi da zaintza lanetarako. - Padura ondotik doan bidea estutu. Oinezko eta bizikletentzat bakarrik izango da. - Atrakalekuak errioan. Txalupa eta bapore tradizionalak lotzeko jarriko dira ibai ertzetan. - Bidexkak artadian zehar. Landarte parean berreskuratuko dira. Ibaian, artadi azpian dagoen nasa txukunduko da. Artaditik hara eramaten zuen bidexka itxi  eta bertaratzeko aukera bakarra txalupaz izango da. - Baratzeak. Etorkizunean instituzio batek Basadizar inguruan padura berreskuratzea erabakitzen badu, ateak irekiko zaizkio baratzeak kentzeko. - Marearteko gunea.  Usurbiribillaga aldean, enbor lehorrak dauden inguruan hura padura bihurtu eta marearteko gunea sortzeko aukera. - Behatokiak. Hegaztiak ikusteko hiru behatoki jarriko dira: Basadizarren, Kanteragañan eta Usurbiribillaga aldean. - Beduako ontziola. Aztarnak zaindu, berreskuratu edo museo antzerako bat egiteko aukera zabaltzen da. - Gorostiagako soro berriak.  Industrialde alboan, ibaiertzaren altuera pixka bat jaistea aurreikusten da. - Ibaian gora.  Oikiara bidean, ibaiertzeko landaretza berreskuratuko da. - Aztarna arkeologikoak. Itsasadarraren eremuan daudenak katalogatuko dira, lurrean mugimenduak egiten direnean kontuan har ditzaten.