24 ordu baino gutxiagoko denboran, marka ahalegin bikoitza egingo du Idoia Etxeberria harri-jasotzaile oriotarrak. Bihar, ostirala, Orion, sanikolasetako egitarauaren barruan, 112,5 kiloko harri kubikoarekin ariko da Orioko plazan. Hiru minutuko txanda bakarrean harriari ahalik eta jasoaldi gehien ematen saiatuko da, 20:00etatik aurrera.
Larunbatean, berriz, Mendaroko Goiñati frontoian izango da errekor berri bat lortzeko lanean. kasu honetan, ordea, bestelako lan bat egingo du: bost minutuko bi txandatan 100 kiloko harri zilindriko berriarekin ariko da.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide