Zarauzko Sanz Enea Udal Liburutegiko bazkideek aurrerantzean liburuak formatu digitalean irakurtzeko aukera izango dute. Zerbitzu berri hori erabili ahal izateko herritarrek
www/euskadi.net/eliburutegia webgunean sartu beharko dute.
Bazkideek liburua aukeratu ondoren mailegatu botoia klikatu beharko dute liburua eskuratu ahal izateko. Ondoren, bakoitzak bere erabiltzailea eta pasahitza sartu beharko ditu. Erabiltzailea, liburutegiko txartelan agertzen den zenbakia izango da eta pasahitza hori egitean sortutakoa. Pasahitza ahaztu dutenek liburutegian eskatu ahalko dute.Mailegatutako liburu hori 21 egunez irakurgai izango dute erabiltzaileek, luzatzeko aukera bakarrarekin.
eLiburutegiaren funtzionamenduaren inguruko informazioa web orrian bertan aurkituko dute, epub laguntza atalean. Bertan aurkituko ditu erabiltzaileak horri buruzko hainbat eskuliburu. Horrez gain, aste honetan zehar mailegu sistema hori nola erabili azalduko duen pertsona bat izango da Sanz Enea Liburutegian, 10:00etatik 14:00etara eta 15:30etik 16:15era.