Atoiarekin ari zela istripua izan zuen harri-jasotzaile aiarrak aurreko astean, eta bizepseko zaina puskatu zuen. Ebakuntza egin diote, eta orain errekuperazio luzea egin beharko du: lehen hilabetean igeltsuaz babestuta eraman beharko du besoa, baina ongi sendatzeko laupabost hilabete bota dizkio medikuak. Harri-jasotzaile batentzako "lesio larria" dela nabarmendu du Joxe Ramon Iruretagoiena Izeta II.ak Euskadi Irratiari eskainitako elkarrizketan: "Are gehiago adin honetan. Dena dela, medikuak besoa osatzeko esperantza onak eman dizkit. Ondoren, nire baitan egongo da, bai fisikoki bai metalki, berriz ere nire mailara itzultzea".
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide