'Aulki hutsak' dokumentala eskainiko dute ostegunean, Zarauzko Modelon

http://vimeo.com/81083489 Heriotzak dakarren doluaren inguruko dokumentala emango dute hilaren 9an, Modelon. Iñaki Peña medikuak egin du Aulki hutsak lanak, eta bertan dolu garaiari aurre egin dioten pertsonen testigantzek jaso ditu. Euskaraz emango dute, gaztelaniazko azpitituluekin. Dokumentala eman ostean, Peñarekin berarekin solasaldia egingo dute ikusleek. Zarauzko Udaleko Gizarte Zerbitzuak antolatu du ekitaldia, eta doan izango da.