Pako Aristik 'Urari ostutako poemak' liburua aurkeztuko du asteartean

Pako Aristiren 'Urari ostutako poemak' liburuaren azala (Susa argitaletxea). "Bosteraino kontatzen jakitea aski zait bizitza ulertzeko. Bost: nire bakardadeak dira bost. Lau: nire lagunak dira lau. Hiru: nire ilusioak dira hiru. Bi: nire amodioak dira bi. Bat: heriotza da bat eta bakarra". Pako Aristik datorren asteartean, irailaren 30ean, Urari ostutako poemak liburu berria jendaurrean aurkeztuko du, 11:00etan, Donostiako Udal Liburutegiko sotoan. Susa argitaletxearekin atera du. Urrestildar idazlearen laugarren poema liburua da hau. Urriaren 1ean, berriz, lehendabiziko errezitaldia egingo du 19:00etan, Donostiako Garoa liburu-dendan (Gros auzoa, Zabaleta kalea 34).