Lehenengo aldiz, Zarauzko Elkarte Gastronomikoen Arteko Ikurrina jokatu zen. Bost elkarte aurkeztu ziren lehiara: Urpekoak, Arrano, Urtetako Eizmendi elkartea, Iñurritza eta Cachi Bachi. Goizeko sailkapen estropadatan Cachi Bachi elkartekoek oso maila ona eman zuten eta aise lortu zuten finalerako txartela. Iñurritzakoek ere gainontzekoei aurrea hartzeko maila eman zuten. Arratsaldean bi ontziak nor baino nor jarri ziren eta bost segundu eskaseko aldearekin Iñurritzako taldeak estropada irabazi zuen.
Bandera hau urte osoan Iñurritza elkartean izango da ikusgai eta datorren urtean ekarri beharko dute berriz ere. ZAEk eskerrak eman nahi dizkie parte hartu zuten elkarte eta lagun talde guztiei eta Zarauzko beste 15etik gora elkarteak gonbidatu datorren urterako laukotea osatu eta parte hartzera Elkarte Gastronomikoen Arteko Ikurrinan.