Eduki hau partekatzeko esteka arbelera kopiatu da.
Txiki Agirre Keixeta-ren erakusketarekin hasi du Zarauzko Udaleko Kultura Sailak Artea Merkatuan egitasmoa. Erakundeak Zarauzko Merkatu Plazako goiko solairua formatu handiko sormen lanak egiten dituzten euskal sortzaileen esku utziko du, haiek nahi duten moduko erakusketa antolatu dezaten. Horrez gain, erakusketa zabalik egongo den denboran artista bertan izango da, gerturatzen direnei obrari buruzko azalpenak eman eta haiekin harreman zuzena izateko.
Abuztuaren 17ra arte egongo da ikusgai Keixetaren obra. Ondoren, Jose Luis Zumetaren txanda izango da. Usurbildarrak sasoi bateko lanak erakusteaz gain, ekimenerako propio sortutako lanak ere jarriko ditu.