[sasoian.info] Ligetako jardunaldi eta jardunaldi artean, Gipuzkoako Traineru Txapelketa jokatuko dute gaur Zumaian, emakumezkoek zein gizonezkoek. Paola punta paretik Itzurun hondartzaren parera bitartean atonduko dute estropada eremua, eta 18:30ean emango diote hasiera lehiari. Lehen bi txandak emakumezkoenak izango dira, eta bi luzetara jokatuko dute bandera: aurreneko txandan Orio eta Getaria-Zarautz ariko dira, eta bigarrenean, San Juan, Hibaika eta Zumaia.
Gizonezkoak hiru txandatan lehiatuko dira jarraian; hauek lau luze osatu beharko dituzte. Hirugarren txandan Zarautzek eta Hibaikak neurtuko dituzte indarrak; laugarrenean, Zumaia, Getaria, Donostiarra eta Trintxerpek; eta bosgarrenean, faboritoen txandan, Orio, Hondarribia, San Juan eta San Pedrok. Iaz Zumaia izan zen txapeldun emakumezkoetan eta Orio gizonezkoetan.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide