Eduki hau partekatzeko esteka arbelera kopiatu da.
Abuztuaren 8an ospatuko da aurten Zumaian Euskal Jaia, eta irailaren 20an Olarro Eguna. Batean zein bestean lan egiteko aukera luzatu die Zumaiako Udalak herriko taldeei. Euskal Jaiari dagokionez, herri bazkarian eta sagardo dastaketan zerbitzatzeko jendea behar da. Olarro Egunean, bazkaria zerbitzatzeaz gain, txosnetan lan egiteko aukera ere izango da taldeentzat. Baterako zein besterako interesa duten herriko taldeek udaleko Kultura Sailera jo behar dute, Alondegian.