Orioko Arraun Elkarteak elastikoak banatuko dizkie bazkideei larunbatean

Orioko Arraun Elkarteak elastikoak banatuko ditu larunbatean. (Egilea: Onintza Lete Arrieta) Arraun denboraldia pil-pilean da eta Orioko Arraun Elkarteak elastikoak banatuko dizkie bazkideei larunbatean. Herriko plazan jarriko dute postua 09:30etik 13:00etara eta urteko kuota ordainduta duen elkarteko bazkide bakoitzak elastiko bana jasoko du. Horretaz gain, larunbatean bertan Orioko Arraun Elkartearen denda zabalduko dute San Nikolas kalean.