Iraurgi Saskibaloi Elkarteak datorren denboraldiko saskibaloiko teknifikazio eskolan parte hartzeko izena emateko egun eta ordutegiaren berri eman du. Teknifikazio eskolan 2003, 2004, 2005 eta 2006 urteetan jaiotako neska-mutilek hartu dezakete parte. Izena eman nahi dutenek, uztailaren 7tik 10era bitartean egin beharko dute Iraurgi SBren bulegoan (ISB tabernan). 18:00etatik 19:30era artean egongo da bulegoa zabalik.