Eduki hau partekatzeko esteka arbelera kopiatu da.
Gaur, 19:30etik aurrera egingo da uztailari dagokion hileroko ohiko batzarra Azpeitiko Udalean. Hamalau puntuko gai-zerrenda dute gaurkoan:
1.- Azpeitiko Udalaren eta Arrite S.L.-ren arteko hitzarmena, Erdikale 17-19an itundutako prezioan etxebizitza libreak eraikitzeko.
2.- Erdikale 17-19ko sustapenean itundutako preziodun etxebizitza libreak jabetzan zozkatzeko baldintzak eta deialdia onartzea.
3.- Urrestillako haurreskolako instalazioen erabilpena luzatzeko Eusko Jaurlaritzako Hezkuntza, Hizkuntza Politika eta Kultura sailari lagapen eskaera egiteko akordioa.
4.- Landu Promozioak S.L.-k Izarra eremuan egin beharreko lagapena: Loiolabide etorbidea 65 eta 67 erakinean dagoen 505,50 metro karratuko lokala.
5.- Eskalada kirola sustatzeko Azpeitiko Udalaren eta Sokaitz Kirol Klubaren arteko hitzarmena onartzea, bai eta kirol-klubaren erabilera arautegia ere.
6.- Azpeitiko baratze ekologikoen udal-arautegiari Behin betiko onarpena ematea.
7.- Azpeitiko Udalaren eta Ekogunea Kutxa Gizarte Ekintzaren arteko lankidetza hitzarmena onartzea.
8.- Azpeitian Elkar-Ekin Aldaketa Herritik elkarteak egindako eskaerari erantzunez Soreasu eremuko lokalaren lagapena denbora batez 'Elkargunearen proiektua' bultzatzeko.
9.- Hezkuntza ez arautuaren arloan, neska-mutil gazteei formazio-ekintzak gauzatzeko diru-laguntza emateko oinarri arautzaileak eta 2014 urterako deialdia.
10.- Anorexia eta Bulimiaren aurka lan egiten duen Acabe Gipuzkoa elkarteak Onura Publikoko Aitorpena izatearen aldeko adierazpena.
11.- SOS Arrazakeria erakundeak proposatuta otsailaren 6an Ceutara iritsi nahian hil ziren 15 pertsonen heriotza deitoratzeko adierazpen instituzionala onartzea.
12.- Oroimen historikoa: 1936. urteko udal-gobernua oroitzeko plaka.
13.- Azpeitiko udaleko ELAko atal sindikalak eskatuta, udaltzain-goaren aurre-jubilazioaren inguruko mozioa onartzea.
14.- Alkatetzak 2013ko urriaren, azaroaren eta abenduan onartu zituen ebazpenen berri ematea.