Larunbat iluntzean abiatu zituzten San Pedro Jaiak Orion eta zenbait unetan eguraldia lagun izan ez badute ere, jai giroa nagusi da herriko kaleetan. Gaur San Pedro Eguna ospatzeko Orioko plaza jendez bete da eta herritarrek Esperientzia Eskolako taloak eta Satxotako sagardoa dastatzeko aukera izan dute. Gainera, Salatxo abesbatzaren doinuek eta Ixuxu-Euskal Herria Elkarteko gaiteroek alaitu dute giroa.
