Traineru denboraldia Zumaian hasiko da, ekainaren 22an

Ofizialtasunaren galbaetik pasatu behar badu ere oraindik (KAE Ligako batzarrean onartzea protokolo edo burokrazia kontua izango da), Zumaian emango zaio hasiera ofizialki aurtengo traineru denboradiari. Ekainaren 22an izango da, 12:00etan, eta KAE 1 ligako aurreneko estropada jokatuko dute traineruek eta arraunlariek. ETB1ek zuzenean emango du. Zumaiak etxean egingo du debuta, beraz, KAE 1 ligan. Egun berean, 11:00etan, beteranoen estropada ere izango da Zumaian bertan.