Eduki hau partekatzeko esteka arbelera kopiatu da.
Azpeitiko Udalak eta Aranzadi Zientzia Elkarteak 1936-1945 urteetako udalerriko errealitatea ikertzeko eta ezagutzeko programa jarri du abian. Bulegoa zabaldu dute Azpeitiko Udal Liburutegian, eta bertan 1936-1945 urteetan errepresioa jasan zuten pertsonei edo senideei buruzko datuak, argazkiak eta abar bilduko dituzte. Bulegoa ekainean zehar egongo da zabalik, asteazken eta ostegunetan goizeko 11:00etatik 14:00etara eta arratsaldez 17:00tik 20:00etara, informazioa eman edo jaso nahi duten herritarrentzat. Bertaratzerik ez dutenek 699 809 130 telefonora deituta edo www.aranzadi-zientziak.org webgunean izango dute elkartekoekin harremanetan jartzeko aukera. Aranzadikoek azaldu dutenez, urte guztian jasoko dute dokumentazioa. Herritar guztiei gonbidapena luzatu diete ekintza honetan parte hartu "eta gure oroimen historikoa berreskuratzeko".