Urrezko Aizkorako finala jokatuko da larunbatean Azpeitian

Otaño Larunbat honetan jokatuko dute Azpeitian Urrezko Aizkorako Banakako Txapelketa. 19:00etan hasiko da jaialdia, Izarraitz pilotalekuan. Hiru mailatako aizkolariak ariko dira lehian: gaztetxoak, gazteak eta nagusiak edo urrezko mailakoak. Gaztetxoenen lehia joan den asteburuan Murgian erabaki zen; izan ere, Julen Larrea III.ak kanpoan utzi zuen Joxean Etxeberria II.a. Beraz, Larrea III.ak Iker Vicenteren aurka neurtu beharko ditu indarrak etzi. Gazteen mailan, hiru izango dira lanean ariko direnak: Ander Erasun, Ruben Saralegi eta Eneko Otaño beizamarra.  Urrezko Aizkora saria eskuratzeko nagusien mailan ere hiru izango dira lehian ariko direnak: Urrezko Aizkora zortzi aldiz irabazi duen Floren Nazabal etxarriarra, Jon Rekondo leitzarra eta Aitzol Atutxa dimarra.