Kalean da dagoeneko ekaineko Baleike aldizkaria. Oraingoan Aitor Olaziregi eta Arritxu Iribar ekarri ditugu azalera: “Ama-semea, gurpil berean”. Txirrindularitza da bien pasioa. Amak afizioa ogibide du, kirol kazetaria baita Euskadi Irratian, bereziki txirrindularitzan aditua; semeak afizionatuen tropelean egin du debuta aurten, egunen batean profesionaletara iristeko ametsarekin. Horrez gain, Balenciagak egindako ontziak munduko zein txokotan dabiltzan argitu digute Gontzal Torrek eta Imanol Azkuek; Zumaiako Gure Esku Dago taldearekin hitz egin dugu ekainaren 8ko ekimenaz; eta Baleikeren 20. urteurreneko ospakizunen iragarpena eta Josu Manzisidorrek magnolioari idatzitako bertsoak ere bildu ditugu.