Euskal Astean murgilduko da Getaria gaur eta Atondu hitzaldi tailerrak irekiko du ekimenez betetako astea. Bihar bestalde, 21:00etatik aurrera Euskarazko Film Laburren emanaldia izango da Cristobal Balenciaga Museoko auditoriumean
Astebururako Euskal Astearen barruan egitarau zabala antolatu dute. Ostiral arratsalde-iluntze partean Gure Txeruko Dantza taldeak emanaldia eskainiko du. 19:00etan haurrak igoko dira oholtza gainera eta 20:00etatik aurrera gazte eta helduen emanaldia eskainiko dute.
Larunbatean Euskal Jai Eguna ospatuko dute Getarian eta hurrengoa da egitaraua.
-09:00etan Getariako txistulariek diana joko dute.
-10:30etik 14:00etara euskal produktuen azoka izango da frontoian.
-11:00etan Musika Eskolako trikitilariak kalez kale ibiliko dira.
-11:30ean Harritarten abere bitxien erakusketa egingo dute.
-12:00etatik aurrera Artzapetxotx! antolatu dute.
-Ondoren fandango eta arin-arina, banakoa eta beste hainbat dantza.
-13:30ean Irrintzi Lehiaketa egingo dute plazan.
-17:00etan Trikitilari Gazteen Getariako XV. Txapelketa jokatuko da.
-19:30ean Bentazaharreko Mutiko Alaiak kantujiran ibiliko dira.
-23:00etan Alaken taldeaekin erromeria izango da herriko plazan.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide