NOKEZ, Noka eta Mikel Markez. Bi musika taldeen baturatik sortuta izena jarri diote birari. Maiatzaren 23an hasi, eta ia etenik gabe, kontzertuak eman eta eman arituko dira ekainaren 7a arte. Estatu Batuetako hainbat hiritan joko dute eta hainbat euskal gunetan ere, Chino Basque Club-n esaterako.
Emanaldien egutegia
Ekaina
23 Bakersfield, Kalifornia
27 Riverside, Kalifornia
28 Los Angeles, Kalifornia
30 San Diego, Kalifornia
Uztaila
1 Chino, Kalifornia – Chino Basque Club
5 Gardnerville – Nevada
6 Boise, Idaho – Basque Block
7 Ontario, Oregon
Mikel Markezek laugarren aldia egingo du Estatu Batuetan. Indar bat dabil hor bere azken diskoko kantuak aurkeztuko ditu bereziki. 2013an argitaratu zuen diskoa eta, batez ere, giza baloreak aldarrikatzen ditu abeslariak. Gonbidatu batzuk izan zituen diskoan, eta oraingoan, bidelagun izango ditu Estatu Batuetako biran Noka taldekoak.
Beraiek, Andrea Bidar, Begoña Echeverria eta Cathy Petrissans, Kaliforniako Chino hirikoak dira; Kalifornian jaiotako euskaldunak. Euskal kantuak kantatzen dituzte, a capella.