Bihar, maiatzaren 10ean, Helduen Abesbatza Topaketa egingo da Orion. Bertan, Bermeo, Gorliz, Mutriku, Lasarte, Lezo eta Orioko Musika Eskoletako 180 abeslari elkartuko dira, eta horien artean Orioko Musika Eskolako kantuko ikasleak, Salatxo abesbatza eta Egunsentia abesbatza.
12:00etan kantu-jirarekin hasiko da topaketa. Herri guztian zehar abesti ezagunak kantatzen ibiliko dira, musika eskolako trikitilari eta pandero-joleen laguntzaz.
Kantu-jira eta gero, 13:30etan, kontzertua eskainiko dute herriko plazan. Agur Zaharra, Kantuz, Maritxu nora zoaz, Zazpi lagun eta Txanton Piperri abestiak entzun ahal izango dira kontzertuan.