Eduki hau partekatzeko esteka arbelera kopiatu da.
Pagoeta Mendizale Elkarteak gaur emango die hasiera aurtengo Mendi Jardunaldiei. Lehen saioan Acopan Tepuy ikus-entzunezkoa aurkeztuko du Adolfo Madinabeitia eskalatzaile gasteiztarrak;Venezuelan eginiko espedizioa du oinarri. Emanaldia 20:00etan izango da, mendizale elkarteak Santa Marina kalean duen egoitzan. Gaztelaniaz egingo du aurkezpena.
Horrez gain, Pagoeta elkarteak Zarauzko Beteranoen XXIII. Ibilaldia antolatu du datorren iganderako, maiatzaren 11rako. Araba aldera joko dute aurten, Badaia mendilerrorantz. Hueto Goien herrixkatik Ganaltoko gurutzera igoko dira, 14 kilometroko ibilbidea osatzeko; bost ordukoa da gutxi gorabehera. Eguna biribiltzeko, bazkari legea egingo dute Gasteizen. Izena Mendizabal kinkiladendan eman daiteke (gaur da azken eguna); bazkariak 27,5 euro balio du, eta autobuseko bidaiak 10 euro.