Orioko Artisau Azokak hogeita bigarren edizioa du aurtengoan eta maiatzaren 11n egingo da herriko plazan. Hogeita hamar artisau baino gehiago etorriko dira postua jartzera, Gipuzkoa, Bizkaia, Nafarroa eta Iparraldetik.
Bitxiak, eztia, senda-belarrak, zeramika, gozokiak, arropa, euskal produktuak, xaboiak, ahate-produktuak, ukenduak, hortxata eta beste hainbat produktu ikusi eta erosteko aukera egongo da azokan.
11:00etatik 19:30etara iraungo du azokak, eta ez da eguerdian etenik egingo. Aurten, postu guztiak plazan jarriko dira, eta ez elizako zimitorioan, beste urteetan bezala.