Maiatzaren Lehenerako, Gazte Blokeak egitaraua prestatu du. Sistemaren porrota eta honen aurreko borrokaren balioa azpimarratzeko, mahai-ingurua eta mobilizazioa izango dira. ”Langile borrokaz, gazte borrokaz lortuko dugula” azpimarratu nahi du Gazte Blokeak, eta ”ezinbestekoa dela prekarietatera eta miseriara kondenatzen gaituen sistemaren aurrean kalera ateratzea”. 17:30ean mahai-ingurua izango da Txosnagunean. Gamonal auzo borrokako kideak eta TS-ko langileak izango dira bertan. Norbere borrokaren azalpena egin ostean, eztabaidarako tartea izango da. 19:30ean mobilizazioa abiatuko da Txosnagunetik.