Azpeitiko Gure Esku Dago taldeak lokala izango du datorren astelehenetik aurrera. Foru Ibilbidea 7an egongo da eta igandean izan ezik, zabalik egongo da egunero. Astean zehar 17:30etik 19:30era zabalduko dute; astearteetan goizez ere zabalduko dute, 11:00etatik 13:00ak arte eta larunbatetan ere zabalik egongo da, 11:00etatik 13:00era.
Bertan ekainaren 8ko giza-katerako izena emateko aukera izango da, eta elastiko eta bestelako materialak ere jarriko dituzte salgai. Bestetik, edozein herritarrek dinamikaren edota giza-katearen inguruko informazioa lehen eskutik jaso ahal izango du bertan.