Eduki hau partekatzeko esteka arbelera kopiatu da.
Bete beharreko baldintzak- Kontratua. Alokairua legezko kontratu batekin egin beharko da.
- Asegurua. Jabeak, alokatzaileak edo erabiltzaileak, gutxienez 300.000 euroko estaldura duen erantzukizun zibileko aseguru bat eduki beharko du.
- Argindarra. Derrigorrezkoa da instalazio elektrikoa erabiltzeko moduan egotea eta dagokion ziurtagiri ofiziala edukitzea.
- Ura. Derrigorrezkoa da ur-hartune bat eta kontagailua edukitzea, baita saneamendu instalazioa ere.
- Komuna. Lokalek komun bat eduki beharko dute, komun-ontzi eta konketa batekin.
- Su-itzalgailua. Gutxienez bat eduki beharko dute. Eskura egon beharko du, eta mantentze kontratuak eguneratua egon beharko du.
- Larrialdietako argiak. Irteerako seinalizazioa eta irteera bera non dagoen erakutsiko dute argi horiek.
- Edukiera. Herriguneko lokalen gehiengo edukiera 25 pertsonakoa izango da, eta industriaguneetakoena, 50 pertsonakoa.
- Berogailuak. Elektrikoak izan beharko dute.
- Sukaldea. Sukaldearen erabilera baimentzen den kasuetan, baldintza hauek bete beharko dituzte: ke-kanpaia eta teilaturaino doan eta horretarako bakarrik erabiliko den tximinia; ez dira sukalde industrialak onartuko; sukalderako beharrezko instalakuntza elektrikoak edo gasarenak ziurtagiri ofiziala beharko dute.
- Ordutegia. 22:00etatik aurrera lokaletako ateek eta leihoek itxita egon behako dute; 22:00etatik 09:00etara ezingo da zarata gogaikarririk atera; ezingo da lokalean gaua egin.
- Zaborrak. Ezingo da lokaletan zaborrik pilatu; zaborrak zaborrontzietara bota beharko dira, behar bezala sailkatuta.
- Gune publikoaren erabilera. Kanpoaldean zarata ateratzea saihestu beharko da; ezingo da espazio publikoa hartu motor, aulki, sofa eta antzekoekin.