Eduki hau partekatzeko esteka arbelera kopiatu da.
Gune plataformak Hego Euskal Herrian abiatu duen mobilizazio kanpainaren barruan oinezko martxa egingo dute bihar Azkoitia eta Azpeitia artean. Gobernuek aurrera atera dituzten neurriek gizartean «pobrezia eta ezegonkortasuna hedatzen» dutela salatuko dute mobilizazioaren bidez, eta politikak aldatzeko eskatuko dute.
Eskualdeko enpresetako langileek eta norbanakoek hartuko dute parte oinezko martxan; 11:30ean elkartuko dira, Azkoitiko plazan, eta handik oinez joango dira Azpeitira.
ELAk, LABek, ESK-k, EILASek, EHNEk, Hiruk, CNTk, CGTk eta dozenaka eragile sozialek osatzen dute Gune plataforma.