Jesus Egiguren PSE-EEko presidentea (Aizarna, Zestoa, 1954) izango da Aho bizarrik gabe solasaldi saioko hurrengo gonbidatua. Martxoaren 11n egingo dute saioa, 19:00etan, Azpeitiko Sanagustin kulturgunean. Enekoitz Esnaola Berriako kazetariak jarriko dizkio gaiak. Dena den, herritarrek aurrez galderak bidaltzeko aukera dute, ahobizarrikgabe@gmail.com helbidearen bidez.
Kultur Mahaia-Sanagustinek, Uztarria Komunikazio Taldeak, Erlo Telebistak eta Urola Kostako Hitzak antolatu dute egitasmo hau. Duela urtebete ekin zioten, eta orain arte sei gonbidatu izan dira: Martxelo Otamendi, Juan Jose Ibarretxe, Benito Lertxundi, Maddalen Iriarte, Jose Maria Setien eta Amets Arzallus.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide